LEGAZPI CITY – Naibarewas na kan Albay Provincial Social Welfare and Development Office (PSWDO) an cash incentives para sa walong Albayano centenarians pirang aldaw antes an kapaskuhan.
Segun ki Albay PSWDO Head Ma. Vivien Cea sa intrevista kan Bombo Radyo Legazpi na mas dakol ngonian an nairehistro nindang centenarians kompara kan nakaaging taon huli ta uminabot na ini sa labi 30 maski dae pa nagtatapos an presenteng taon.
Paglilinaw niya man dae pa pwedesir matawan nin insentibo an sarong tawo hangga’t dae pa nag-sasapit o naglalagpas an aldaw kan saiyang ika-100 na komple-anyo.
Posible pa suboot na madugangan an numero kan mga centenarian sa provincia huli ta may mga pigpo-proseso pa sindang duwa na ma-birthday ngonian na bulan.
Pigtaram pa kan opisyal na an saindang ipigtataong insentibo iyo an gikan sana sa Provincial Government asin iba pa digdi an sa Department of Social Welfare and Development (DSWD) na kinuwa sa pondo kan national government.
Afuera suboot sa mga centenarians an igwa man sindang insentibong ipigtatao sa mga nonagenarian o mga tawong may edad 90-99 anyos, mga mag-agom na naglagpas 50 taon an pag-iibahan asin mga assistive devices arug kan wheel-chair asin tungkod.
Pagdoon pa ni Cea na ipiggagawad pa man ninda an insentibo sa pamilya kan centenarian maski nagadan na ini sa kasagsagan kan pagproseso kan mga papeles.
 has already distributed cash incentives for eight Albayano centenarians a few days before Christmas.){kind=link}