Nagresulta sa dakulang kasulo an pagbagsak kan sarong UPS cargo plane pirang oras pa sana makalihis mag-takeoff sa Louisville International Airport sa Kentucky hapon nin Martes, Nobiyembre 4, local time.
Tolong katawo an kumpirmadong nagadan mantang 11 pa an irido sa insidente.
Pigkakahandalan na madagdagan pa an casualties.
Susog sa US shipping company, tulong iba pang mga tripulante na nakalunad sa cargo plane an nagtetenir na unaccounted.
Segun sa Federal Aviation Administration, pasiring na sa Hawaii an UPS Flight 2976 kan mangyari an trahedya.
May karga ini nin 380,000 na gallons nin fuel na may gabat na 220,000 pounds.
Segun man kay Luisville Metro Police Department chief Paul Humphery, dae pa malinaw kun nuarin magigin salbadong isagibo an imbestigasyon sa crash site huli ta may mga delikadong bagay na nasusulo asin posibleng sumabog.
