Liwat na nakahampang ni Cardinal Pablo Virgilio David si Pope Leo XIV sa Vatican, makalihis mag-atendir an Filipino cardinal sa 5th World Meeting of Popular Movements.
An nasabing aktibidad an sarong international summit na nagbubuklod sa mga delegado gikan sa limang kontinente nganing idiskotir asin pagnilayan an orolay sa pabahay, daga asin trabaho—tulo sa mga ipigkonsidera kan namaaram na si Pope Francis bilang pinakaimportante nganing protehiran an human dignity.
Kompwesto ini kan mga alagad kan simbahan, dignitaries asin mga regular na bisita na gikan sa manlaen-laeng social order.
Nangyari an liwat na pag-oolay ninda Pope Leo asin ni Cardinal David sa Paul VI Hall, kun saen natawan nin pagkakataon an mga nag-atendir na personal na makaolay an Santo Papa.
Ini an nagserbing sentro kan nasabing aktibidad — an pagkakataong magkaigwa nin pribadong sandali kaiba an Santo Papa.
Mientrastanto, sienerto ni Pope Leo an pagpapadagos kan pagserbi kan Simbahang Katolika sa mga deboto, sa ibong kan mga agyat na pigkakahampang kan lambang saro.
