LEGAZPI CITY-Padagos an pagi-ikot kan pulisya kan Caramoran Municipal Police Station sa mga eskwelahan ngani magsagibo nin awareness lecture katakod kan kampanya kan Philippine National Police manungod sa krimen asin seguridad.
Segun kay Caramoran MPS Chief of Police Police Lieutenant Mar Joseph A. Reburiano, sa intrevista kan Bombo Radyo Legazpi na nagko-kondusir sinda nin lecture asin seminar sa mga eskwelahan ngani maibitaran an anumang untoward incident asin mga balak na maggibo nin maraot, siring kan mga nangyari sa ibang mga lugar.
Pig-maximize na man ninda na saindang mga personahes ngani mailatag sa gabos na mga eskwelahan sa saindang lugar.
Sa presente, challenge suboot sa sainda an hararayo na area kun sain haros sarong oras an biyahe kan pinakadulong lugar.
Alagad pigsierto man ninda na handang sindang mag-respunde enkaso kaipuhan asin padagos an saindang koordinasyon sa mga barangay asin LGUs.
Abiso kan opisyal sa mga namamanwaan na mag-ingat asin kun igwang manotaran na kahina-hinalang aktibidad, dai magduwang isip na mag-report sa istasyon para sa kaukulang askyon.
