Inanunsyar kan Canada an counter-tariffs na maabot sa 50% para sa haros C$28 bilyong kantidad nin mga produkto hali sa Estados Unidos bilang pagbalos sa mga bagong buwis na ipinataw ni US President Donald Trump.
Segun ki Finance Minister François-Philippe Champagne, magiging epektibo an nasabing buwis sa Setyembre 8 sa mga produktong siring kan bakal, muwebles, asin bado ngani na protehiran an mga obrero asin negosyo sa saindang nacion.
Nagpuon an sigalot makalihis bumagsak an mga negosasyon sa kalakalan sa pagultangan kan duwang nacion kun sain nagribayan nin mga akusasyon an duwang lado dapit sa bako makatarungan na mga kahagadan.
Pinagbigyan man kan gobierno kan Canada an pagtatagama nin C$7.5 bilyong tabang para sa mga domestic industries ngani na maibitaran an mahewasan na pagkawara nin trabaho mantang padagos an tensyon sa kalakalan.
Sa ibong kaini, ipigduon kan White House asin ni Trump na an Canada an nagin unreasonable sa orolay, mantang inakusaran man ni Prime Minister Mark Carney an US na mawot rauton an pangenot na industriya kan Canada.
Nagkawsa an sitwasyon nin pagkahadit sa paglangkaw kan presyo kan mga babarakalon sa parehong nacion asin naglaag sa peligro sa futuro kan USMCA free trade agreement.
