LEGAZPI CITY–Ipigselebrar ngunyan kan Canada an saindang nagin historya, makalihis na makua an kaenot-enoting gana sa FIFA World Cup laban sa Qatar, 6-0, sa BC Place, Vancouver.
Segun ki Bombo International Correspondent Vancouver Canada Ruth Marie Magalong, sa intrevista kan Bombo Radyo Legazpi, saro ining matrayumpo na pangyayari huli sa ini an enot na bes na nadara kan Canada an saindang team sa FIFA World Cup.
Nagtutubod man si Magalong na an nagtao nin inspirasyon sa team kan Canada iyo an saindang Prime Minister na nagdalan kan kawat kaiba an saiyang agom asin iba pang cabinet members.
Pighayag pa niya na sa tulong nacion na nag-host kan FIFA Men’s World Cup siring kan Canada, Mexico, asin United States, an Canada iyo an 1st class na nag-host nin world events.
Huli kaini naglalaom man sinda na hasta sa matapos an event an warang mairehistrong kariribokan asin gabos kan nagpartisipar na nacion an ikokonsiderar na nanggana sinda.
