LEGAZPI CITY – Naipahiling an kultura kan banwaan kan Camalig sa Albay sa paagi kan ipigkondusir na street presentation kasuodma katakod kan selebrasyon kan Pinangat Festival.
Segun ki Jed Villanueva, Tourism and Culture Officer kan Camalig, kada taon, nahihiling ninda an improvement kan mga partisipantes sa aktibidad asin nahiling man an pagtatarabangan kan gabos ngani na makapagpahiling nin magayon na performance.
Segun sa opisyal, saro an festival sa mga nakaka enganyar ngunyan nin mga turista sa banwaan asin ini man an rason kun nata buhay na buhay ngunyan an mga negosyo sa Camalig.
Dugang pa kaini na obheto kan mga aktibidad na mapakusog pa an relasyon sa mga pribadong sektor.
Mientrastanto, saro pa sa mga pinag-aantabayanan ngunyan kan mga Camaligeño an nakatalaan na pagdeklarar kan Camalig Baptist Church bilang important cultural property kan Pilipinas na papangenotan kan National Museum kasabay kan feast day mass sa Hunyo 24.
