LEGAZPI CITY – Abilable na an calamity loan na pig-oofresir ni Social Security System para sa saindang mga miyembros na naapektaran kan magkakasunod na bagyo asin iba pang kalamidad.
Segun ki Social Security System spokesperson Jeanette Mapa sa intrevista kan Bombo Radyo Legazpi na para sa mga mawot kaini mag-avail an pwedesir nang mag-apply poon kan nakaaging Nobyembre 9 hasta December 8 sa presenteng taon.
Huli man sa pagdeklara ni Presidente Ferdinand Marcos Jr. nin state of national calamity an pwedesir na ining aprobitsaran kan saindang mga miyembro maski sain man sindang provincia naka-istar.
Antes magin kwalipikado an sarong miyembro na makapag-loan nin sagkod P20,000, dapat igwa ini nin dae mababa sa 36 monthly contributions kun sain an anom na bulan an nakapalaog sa sarong taon antes an bulan na saimong pag-apply.
Pigtaram pa kan opisyal na dae na kaipuhan magpasiring sa saindang ofisina nganing mag-apply para sa calamity loan kundi pwedesir na ining gibuhon sa SSS website.
Pigtutugutan man na makakuwa nin calamity loan an saindang miyembros na may existing salary loan alagad kun dati nang naka-kuwa kan calamity loan an dapat maglagpas muna na sa anom na bulan nganing makapag-apply liwat.
Pangapodan ni Mapa sa saindang mga miyembros na aprobitsaran an saindang calamity loan nganing matabangan sindang makabuwat hale sa epekto kan mga magkakasunod na kalamidad na tuminama sa Pilipinas.
