LEGAZPI CITY – Amay na nag-abiso ang Civil Aviation Authority of the Philippines (CAAP) Area V sa mga may flight schedule sa Agosto 14, aldaw nin Domingo.
Sa ipinaluwas na traffic advisory kan CAAP Area V, inabisuhan an mga pasahero na amay na flights sa Agosto 14, aldaw nin Domingo asin mahale pa sa primer distrito kan Albay na mag-amay sa pagbiyahe pasiring sa Bicol International Airport (BIA).
Sa pagsasagibo kan Mt. Mayon Triathlon, pig-aanticiparan na an dakol na bulos kan mga mapartisipar siring man an mga turista.
Dugang pa kan ahensya na sa nasabing paagi, maiibitaran na mabayaan kan eroplano.
Ipigsusuhestiyon man an paggamit nin ibang ruta sa pagpasiring o paghali sa erpuerto.
“Passengers who have morning flights on August 14, 2022, and will be coming to/from the 1st District of Albay, are advised to come to BIA as early as possible to avoid missing their flights.
Otherwise, they should take alternate routes in going to/from the airport.”
