LEGAZPI CITY- Welcome development para sa Civil Aviation Authority of the Philippines an pagpasar nin ordinansa kan lokal na gobierno kan Daraga na pagpapakusog sa aviation safety sa erupuerto.
Ini an kasukod kan pagbabawal sa pag-aataman nin bayong asin pagpapalayog kaini sa 3km na distansya sa Bicol International Airport.
Ini an ngani na maibitaran an posibleng insidente nin birdstrike na posibleng magkawsa nin aksidente sa mga aircraft.
Segun ki Civil Aviation Authority of the Philippines Spokesperson Eric Apolinio sa intrevista kan Bombo Radyo Legazpi na magayon na lakdang an pagtutok sa seguridad kan mga pasahero sa erpuerto.
Aminado kaya an opisyal na nakakapag rehistro man nin mga insidente nin birdstrike sa Pilipinas alagad masuwerte na saradit sana an mga bayong sa nacion.
Afuera na sana sa mga migratory birds na nagpapasiring sa nacion.
Mientras tanto, sinierto man ni Apolonio na padagos an pagbakal kan ahensya nin mga ekipahe na magagamit sa pagtataong solusyon sa problema sa birdstrike ngani na mapreventaran an anuman na air accidents.
