LEGAZPI CITY- Na-octaba nin 30 minutos an byaheng Naga-Legazpi kan Philippine National Railways (PNR).
Naghali an nasambitan na tren alas 5:00 nin aga sa syudad kan Naga asin alas 8:00 na nag-abot sa syudad kan Legazpi.
Sigon ki Engineer Jose Florece, PNR-Division Manager, malikay ngunyan an nasambitan na tren sa liwat na pagbyahe kaini kun sain nagdalagan sana nin 9 hasta sa 20 kilometros kada oras sa parte kan mga informal settlers na nanotaran sa mismong Legazpi asin Daraga.
Laog suboot an mga ini sa ipigtalaan na 5 hasta sa 10 metrong danger zone kan PNR na nakaulang na maray sa saindang byahe.
Sinabi man ni Florese na lima sana an nagin pasahero kan tren alagad naglalaom sindang magdadakol ini mantang nagpapadagos an saindang operasyon kada Lunes hasta Biyernes.
Duwang bagon sana an ginamit ngunyan kan PNR na igwa nin kakayanan na magpalunad nin 150 pasahero lambang saro.
Dugang pa kan opisyal, maiingganyar an mga commuters na maglunad sa tren huli sa regular na pamasahe kaining P100 sana kumpara sa P140-P160 pamasahe sa ibang klase nin transportasyon.
Sa presente, solamenteng an mga informal settlers an nahiling na problema kan PNR huli ta dae man suboot nin raot sa mga riles.
