Sarong lalaki na burat asin may hangover pa asin nakasulot sana nin tsinelas an dai nag-atras sa 8 kilometer race sa sarong fun run event sa Brazil.
Dae niya piglalaoman na an karera an magbabago sa dalagan kan saiyang buhay bilang sarong palaboy asin alcoholic.
Segun sa report, pig-livestream sa social media an 8-km fun run na pig-organisar kan sarong gym asin kan lokal na gobyerno kan Garrafao do Norte, Brazil.
Sa video, mahihiling na kakaiba si Isaque dos Santos Pinho sa mga partisipante sa karera huli sa saiyang bado asin itsura, asin wara siyang number tag na nagpapatunay na kabale siya sa event.
Kan magsenyas na an organizer kan pagpoon na kan karera, tulos ining nagdalagan maski ngani madali na siyang matumba.
Sa primero, naenotan niya an mga partisipante.
Alagad sa hudyan, nalagpasan siya nin mga runners na nakasapatos asin nasa marahay na kamugtakan.
