LEGAZPI CITY- Solamenteng an tricycle na sana an nahiling kan mga otoridad na pigsasabing ginamit kan suspek ngani na magbakal nin baka sa banwaan kan Tiwi.
Base sa impormasyon, nagreport an mag-agom na biktimang sinda Edgar asin Alice Crucillo sa Tiwi Municipal Police Station ngani na magsubong dapit sa saindang empleyadong butcher o parabuno na pinagkatiwalaan nindang magbakal nin baka.
Binisto an suspek na si Sandy Condat, 37-anyos asin residente kan Brgy. Baybay sa parehong banwaan.
Sigon sa mag-agom, tinawanan ninda si Condat nin P14,000 bilang pambakal sa nasambitan na hayop.
Ipinasubli man suboot ninda an saindang tricycle ngani na madara an baka gikan sa banwaan kan Sto. Domingo.
Alagad dae na nagbalik pa si Condat asin dae na mahanap.
Mientrastanto, sinabi kan esposa kan suspek na si Emma Condat na nadukayan an inabandonang tricycle asin llave kaini sa harong kan saindang mga magurang sa Brgy. Gajo.
Nagkukundusir na nin imbestigasyon an nasambitan na pulisya para sa pagkakaarestar kan suspek.
