LEGAZPI CITY – Namataan kasuudma an presensya kan Juvenile Whaleshark o mas bisto sa apod ba Butanding sa Legazpi Boulevard kasabay kan selebrasyon kan kafiestahan kan barangay.
Segun ki Kapitan Nicacio Barrios, naipaabot saiya an impormasyon kan nagkapirang constituentes kaini.
Bako ini an enot na bes na igwang siring kaini huli ta nagkapirang bes na man na igwang nagpahiling na butanding sa kadagatan na sakop kan ciudad.
Mientras tanto, inasegurar man ni Barrios na nagpapadagos an saindang clean up drive asin dae nagpupundo an implementasyon kan ecological solid waste management ngani na mapangatamanan an boulevard.
