LEGAZPI CITY – Dakulang tabang para sa fishery sector an isinagibong 19th Mangingisdang Direktor Program sa Bicol.
Ipigseselebrar an nasabing programa sa laog nin sarong bulan partikular na kan Mayo kun sain pigtatawanan nin pagkakatoan an sarong parasira na magin direkor kan Bureau of Fisheries and Aquatic Resources.
Sa intrevista kan Bombo Radyo Legazpi ki Bureau of Fisheries and Aquatic Resources Bicol spokesperson Rowena Briones, parte kan ginibo kan napiling Mangingisdang Direktor an pagheras nin mga kaaraman sa mga kapwa parasira.
Kaibanan man digdi an pag-aram kan mga problema asin kun anong mga area an kinakaipuhan nin improvement.
Segun ki Briones, halos nalibot an bilog na provincia kan Bicol afuera na sana sa provincia kan Masbate.
Mientras tanto, ipigpangapudan man kan opisyal na maging departamento na an Bureau of Fisheries and Aquatic Resources ngani na dakol na oportunidad an magbukas sa sektor kan pagsisira.
Afuera digdi, madadagdagan man an pondo kan ahensya na magreresulta sa kadakol na proyekto asin programa para sa mga parasira.
