LEGAZPI CITY – Nagsagibo nin tree planting activity an mga personahes kan Bureau of Fire Protection sa ciudad nin Tabaco katakod kan selebrasyon kan Earth Day asin Fire Prevention Month.
Segun ki Tabaco BFP Senior Fire Officer 1 Daryl Bragais sa intrevista kan Bombo Radyo Legazpi na pigsagibo an aktibidad sa hiraya manawari nature park na pig-atendiran kan manlain-laing law government agencies asin mga lokal na ofisina kan ciudad.
Mawot ninda na makapag-kontribwer sa kapalibutan kun kaya ninda pigsasagibo an mga siring kaining aktibidad.
Pigtaram pa kaini na pigpili ninda an likodang parte kan parte huli ta diit lang asin bako pa matalubo suboot an mga nakatanom na mga puno.
Obheto man kan aktibidad an nganing magtarabangan an mga ahensya kan gobierno sa mga ipigsasagibong mga tree planting activity asin iba pang environmental efforts.
Pangapodan kan saindang opisina sa gabos na magkaigwa nin kamalayan sa epekto kan climate change na numero unong nagdadara nin labing init kan panahon.
Kasabay man an pagirumdom ni Bragais sa publiko na dae na paggamiton an mga luma nang mga appliances nganing malikayan an mga insidente nin kasulo.
