LEGAZPI CITY — Maabot sa 400 metro nin abo an ibinuga kan Bulkang Bulusan sa probinsya kan Sorsogon sa nakalihis na magdamag.
Sa pinakahuring volcano bulletin na ipinaluwas kan Philippine Institute of Volcanology and Seismology (Phivolcs), maluya sana suboot an naobserbarang pagbuga nin puting abo na may langkaw na 350 meters asin pasiring sa direksyon na timog-silangan.
Mientrastanto, nakapagrehistro man nin sarong volcanic earthquake sa nasabing bulkan mantang naobserbaran an deflationary changes digdi na nakapalaman sa precise leveling data kan Enero 29 hasta Pebrero 3 sa presenteng taon.
Enot nang sinabi ni Phivolcs resident volcanologist Ed Laguerta sa Bombo Radyo Legazpi na posible an mga malulyang pagbuga nin abo asin nagkapira pang mga abnormalidad sa mga bulkan sa rehiyong Bicol huli naman sa mainit na panahon.
Mahigot na pagbabantay man liwat an pigpapautob sa Bulusan huli sa natakataas pa an abnormal na lebel o Alert Level 1 status digdi.
