LEGAZPI CITY-Padagos an pagdaloy kan lava sa crater kan Bulkang Mayon asin nagpapahiling man liwat ini nin halangkaw na aktibidad, susog sa datos kan Phivolcs.
Basado sa huring rekord, nasa 3.8 km na an lava flow sa Basud gully, 3.2 km sa Bonga gully, asin 1.8 km sa Mi-isi gully.
Presenteng nasa alert level 3 an Bulkang Mayon asin padagos an panaka-naka asin maluluyang strombolian activity.
Nairehistro man an 39 volcanic earthquakes, kaiba an 14 volcanic tremors asin 292 Rockfall events.
Nasa 1, 615 tonelada kada aldaw an pigbubuga kan Bulkan na Sulfur Dioxide poon kan Hunyo 6.
Mientras tanto, enot nang nilinaw kan ahensya na warang kinaaraman an pagyugo sa nagkapirang lugar sa Albay an presenteng aktibidad kan Bulkang Mayon.
