LEGAZPI CITY- Nasa kabilugan na walong rockfall events an nairehistro sa bulkang Mayon sa nakalihis na magdamlag.
Afuera digdi, nagluwas sa datos kan Philippine Institute of Volcanology and Seismology na igwa pa nin nairehistrong tulong 3 volcanic earthquakes.
Marurumduman na mahigot na pigbabantayan ngunyan an mga aktibidad kan bulkan urog na an mga parametro kaini.
Enot na man na pigsugo kan gobierno provincial kan Albay an pagpapa alerto sa mga nasa Mayon unit areas enkasong maglala pa an aktibidad kan Mayon volcano.
Mahigot man an pagirumdom sa pagbabawal sa paglaog sa 6km radius permanent danger zone kan bulkan.
