LEGAZPI CITY-Padagos an nai-rekord na effusive eruption sa Bulkang Mayon sa ika-195 na magkasunod na aldaw, susog sa pinakahuring datos kan Philippine Institute of Volcanology and Seismology (Phivolcs).
Mahihiling sa ipinaluwas na sped-up camera footages kan ahensya an pagbuga kan lava effusion na igwang kairibang collapse-fed pyroclastic density currents (PDCs) bandang alas 10:05 nin pagka-aga ngonian na aldaw nin Domingo, Hulyo 19, 2026.
Padagos man an pag-generate kaini nin lava flows, PDCs o Uson, asin mga rockfall events.
Sa presente, nagtetenir sa Alert Level 3 an Bulkang Mayon, asin mahigot man liwat na pinagbabawal an paglaog sa 6-km Permanent Danger Zone.
Nagpagirumdom man an APSEMO asin Phivolcs sa publiko na magin maingat sa mga nagkakalat na salang impormasyon online mapadapit sa estado kan Bulkang Mayon.
