LEGAZPI CITY-Padagos an pagpapahiling nin halangkaw na aktibidad kan Bulkang Mayon sa nakalihis na magdamlag.
Susog sa datos kan Philvocs, nakapag-rehistro ini nin 250 rockfall events, 5 volcanic earthquakes, asin sarong pyroclastic density current signals.
Mantang nagtetenir sa alert level 3, nairekord man an halangkaw na aktibidad kaini basado sa padagos na pagbuga nin mga volcanic materials.
Padagos man an pagdaloy kan lava sa parte kan Basud gully na nasa 3.8 km, 3.2 km man sa Bonga gully asin 2.1 km sa Mi-isi gully.
Nakapag-rehistro man ini nin haros 2, 065 tonelada nin Sulfur Dioxide poon kan Hulyo 4.
Nag-abot man sa 750 metrong langkaw hale sa crater an Plume o Steaming na napapadpad sa west-southwest kan Bulkan.
Huli digdi, mantenidong mahigot na pinapagirumduman an publiko na likayan an paglaog sa 6km permanent danger zone.
