LEGAZPI CITY- Nagtetenir na halangkaw an aktibidad kan bulkang Mayon, na presenteng nasa alert level 3 status.
Basado sa 24 oras na monitoring kan Philippine Institute of Volcanology and Seismology, nasukol an 20 volcanic earthquakes kaibanan na an 13 volcanic tremors na nagdurar nin sarong minuto hasta 54 minuto an lawig.
Padagos man na nairerehistro an strombolian activity asin lava effusion.
Afuera digdi, nagkaigwa man nin 207 rockfall asin apat na pyroclastic density current o uson.
An sulfur dioxide flux an nasukol man sa 2,224 tonelada kan Hulyo 19, 2026.
