LEGAZPI CITY – Nakapagrehistro nin panibagong phreatic eruption an bulkang Mayon kasubanggi.
Sa intrevista kan Bombo Radyo Legazpi kay Dr. Paul Alanis, resident volcanologist kan Philippine Institute of Volcanology and Seismology (PHIVOLCS) nagpuon an pagputok kaini alas 7:23 kan banggi asin naghaloy nin sarong minuto asin tulong sigundo.
Base sa 24 hours observation period nahiling an ground deformation asin nagkaigwa nin sulfur dioxide flux (SO2) na nasa 598 tonelada kada aldaw puon kan Agosto 20.
Uminabot man an steam plume sa 300 metrong paglangkaw asin igwang katamtamang pagsangaw pasiring sa sirangang parte kan bulkan.
Sa ngunyan nagtitinir na nasa alert level 1 an Mayon kung saen mahigot an patanid kan Phivolcs na dae maglaog sa 6km permanent danger zone kan bulkan.
