LEGAZPI CITY- Liwat na nakapagrehistro nin apat na volcanic earthquakes an bulkang Mayon sa nakalihis na magdamlag.
Na-monitor man an maluyang banaag o crater glow.
Marurumduman na nagtetenir an abnormal na aktibidad kan bulkan huli ta nakataas man liwat an alert level 1 status kaini.
Padagos man an pagirumdom kan Philippine Institute of Volcanology and Seismology sa publiko na ibitaran an paglaog sa 6 km permanent radius danger zone huli ta dae pa pighahali an posibilidad nin pagkakaigwa nin steam o phreatic explosions sa Mayon volcano.
