LEGAZPI CITY- Ikinumparar kan Philippine Institute of Volcanology and Seismology an pagputok kan bulkang Kanlaon kan nakalihis na aldaw sa nangyaring eruption kan Disyembre 9 kan nakalihis na taon.
Segun ki PHIVOLCS Director Teresito Bacolcol sa intrevista kan Bombo Radyo Legazpi na nagtetenir an alerto kan bulkan sa alert level 3.
Paliwanag kan opisyal na dae man ipigtaas an alerto kan bulkan huli ta dae man naglangkaw an pigmo-monitor na parametro.
Napag-araman na dae man naglangkaw an nai-rerehistrong volcanic earthquakes asin wara man na pagbabago sa ground deformation sa ngunyan.
Segun ki Bacolcol na pighihiling kaya an bilog na edipisyo kan Mt. Kanlaon asin wara man na nahiling na paglangkaw kan volcanic gas emission.
Narisa pa kan opisyal basado sa datos kan ahensya na antes nagputok an nasabing bulkan, nakapagrehistro nin pagbaba sa sulfur dioxide siring kan nangyari kan Disyembre 9.
