LEGAZPI CITY-Ibinababa na sa alert level 0 an Bulkang Bulusan sa provincia kan Sorsogon, huli sa pagbaba kan aktibidad kan mga parametro kaini.
Kasunod ini kan pagbaba kan aktibidad sa mga parametro kan Bulkan.
Paliwanag ni Bulusan Volcano Resident Volcanologist April Dominguiano sa intrevista kan Bombo Radyo Legazpi na nakapagrehistro nin base line levels kan volcanic earthquake poon kan Disyembre kan nakalihis na taon.
Dagdag pa niya na nagkaigwa nin “shallow dept” na buminababa sa 6km sa irarom kan south eastern kan Bulkang Bulusan.
An pagbaba suboot kaini, may koneksyon sa “rock facturing processes” o pagtipak kan mga gapo na nagigin rason sa “shallow hydrothermal acitvity”.
Nagpahiling man an Bulkang Bulusan nin pagnipis sa “ground deformation” sa southern asin eastern sector poon pa kan ikatulong semana kan Nobyembre asin Oktubre kan taong 2025.
Siring man an pag-decline kan iba pang mga parametro kaiba an volcanic gases na nagigin moderato an kontribusyon asin pagbawas kan carbon dioxide emissions.
Alagad, pigtawan doon kan opisyal na mantang nasa alert level 0 an Bulkang Bulusan posibleng maibalik ini sa alert level 1 kun magkaigwa nin mga pagbabago mantang padagos an obserbasyon sa nasabing mga parametro.
Sa presente, pigpapagirumduman liwat an local government unit asin an publiko na ibitaran an paglaog sa 4km permannent danger zone partikular na sa south eastern slopes kan Bulkan huli sa biglaang phreatic eruption o rockfall.
Padagos man an monitoring kan ahensya asin obserbasyon sa mga parametro huli sa pabago-bagong aktibidad kan Bulkang Bulusan.
