LEGAZPI CITY-Ipighayag kan Philippine Institute of Volcanology and Seismology na dai pa naglalangkaw an parametro kan Bulkang Bulusan, kaya dai pa ini itataas sa alert level 2 mantang nakapag-rekord nin 109 volcanic earthquakes kan Hulyo 28, 2026.
Segun kay Resident Volcanologist April Dominguiano, sa intrevista kan Bombo Radyo Legazpi na sa presente an volcanic earthquake may koneksyon sa paghiro kan tectonic process kan Bulkan, enkaso magdakol asin mas dakula an pamamaga kan bulkan, saka sana ini itataas alert level 2.
Ini sa tahaw kan abiso kan ahensya mapadapit sa pagdakol kan volcanic earthquakes poon kan Hulyo 28.
Sinabi kan opisyal na kun hihilingon an degassion activity kaini, nagpapahiling nin maluya hasta moderatong emission o shallow volcanic sulfur dioxide emission poon Hulyo 21 na nag-aabot sa 50 tonelada sa kada aldaw.
Ini may koneksyon suboot sa active shallow hydrothermal tectonic process na nangyayari sa Bulkang Bulusan na posibleng magkaigwa nini steam driven phreatic eruption.
Pigpapagirumduman man an publiko na nagtetenir sa alert level 1 an Bulkang Bulusan, na ibig sabihon igwa ining low level of unrest asin seismisity na nagpapahiling kan dakul na tsana kan phreatic eruptions.
Nagpatanid man an opisyal na likayan an paglaog sa 4km permanent danger zone asin magin maingat sa paglaog sa 2km extended danger zone sa southeast kan Bulkan huli sa posibleng epekto kan volcanic hazard.
