LEGAZPI CITY- Labi-labing kaogmahan an namamatean ngonian kan first prize winner kan pa-promo kan Bombo Radyo Philippines asin Star FM stations na Buena Mano Salvo Part 12 kan maaraman an marhay na bareta.
Istorya ni Cyril Ceneta sa Bombo Radyo na bako mismo ini an nakadangog kan pag-anunsyar asin ipinaabot na sana sa paagi kan text message sa saiyang ina.
Personal na hinanap kan news team kan istasyon an harong kaini sa Brgy. Binitayan sa banwaan kan Malilipot tangarig na kumpirmaron an pagkagana kun saen P15, 000 an saiyang makukua.
Itatagama na suboot ni Cyril an napangganahan na kwarta sa tuition fee kaini sa maabot na kralasehan urog na nasa huring taon na ini sa kolehiyo kaya dae man kaini naibitaran an pagpapaabot kan pasasalamat urog na sa mga sponsors.
Apwera ki Cyril, nakua man ninda Rosemarie Albania asin Sheila Mabini an second asin third prize sa nasambit na promo na makakakua nin P10,000 asin P5,000.
