LEGAZPI CITY — Napano nin kaogmahan an isinagibong Buena Mano Salvo promo kan Bombo Radyo sa Barangay Bigaa sa syudad nin Legazpi na aktibong pinartisiparan kan kadakol na mga residentes.
Maogmang naki-entra an mga partisipantes sa mga aktibidad na kinondusir sa lugar siring kan Zumba, pa-Bingo, videoke singing contest asin iba pa.
Pinakapig-aabangan sa nasabing pagtitipon an pag-bunot kan 10 masuswerteng mga partisipantes na nanggana tig-P10,000.
Segun kay Sonia Morante, sarong barangay health worker sa Bigaa asin saro sa mga nanggana kan nasabing kantidad,
dakulang tabang suboot an pa-promo na pandugang naman sa saindang pang-urualdaw na panggastos.
Mientras tanto, sa masunod na semana an nakatalaan naman na gibohon an Buena Mano Salvo promo sa barangay Bogtong.
