LEGAZPI CITY– Dakulang orgulyo ngunyan an panibagong akolplishimento kan Bicol University.
Ini makalihis an nairehistrong 100% passing rate sa 2025 Psychometrician Licensure Examination.
Segun ki Bicol University College of Social Sciences and Philosophy dean Atty. Alex Nepomuceno sa intrevista kan Bombo Radyo Legazpi na ini na an ika-duwang batch kan BS Psychology na anas igwang 100% passing rate.
Paliwanag kan opisyal na dae sana napantayan an enot na akomplishimento kundi nalagpasan pa ini.
Afuera kaya sa halangkaw na passing rate, nakapagrehistro pa nin top 9 asin duwang top 10 sa nasabing eksaminasyon.
Segun ki Nepomuseno na magigin agyat sa sainda ngunyan kun papano mamamantenir an nasabing akomplishimento sa masunod na mga taon.
Dugang pa kaini na napapanahon sana an trayumpo urog na sa panahon ngunyan na dakula an pangangaipo sa mga tagapangataman sa mental health kan mga namamanwaan.
