LEGAZPI CITY—Dae piglalaoman ni Hajii Napay na tubong Camalig, Albay asin dating estudyante kan Bicol University na makalaog bilang saro sa mga topnotchers sa ginibong 2026 Electronics Technician Licensure Examination.
Segun ki Hajji Napay, an Top 4 sa 2026 Electronics Technicians Licensure Examination, sa intrevista kan Bombo Radyo Legazpi, magkahalong emosyon nin pagkaogma asin gari maghibi siya kan saiyang maaraman an resulta kan eksaminasyon.
Dugang niya na gari dai mag-sink in na kaiba siya bilang Top 4 asin an mawot niya an makapasar sana digdi.
Pag-istorya kaini na nag-focus siya nin pag-review sa sarong review center sa Metro Manila sa laog nin limang bulan asin pig-iibahan nin paghingalo.
Pigheras man kaini na bako niya first choice an electronics engineering alagad sa kahuluyan an naukudan niyang i-adopt an nasabing degree program.
Dugang ni Napay na saro sa saiyang mga nagin inspirasyon an saiyang pamilya na pirming nakasuporta puon kan kolehiyo asin pag-take kan exam, an Mahal na Diyos na saiyang ipigpangadyi na siya makapasar, magin an saiyang mga amigo asin ilusyon.
Ipighayag man niya na saro sa mga kadifisilan na saiyang inagihan an kakulangan sa oras huli sa kadakol na pag-aadalan kun sain an nagin paagi niya an time management o pag-maximize sa gabos na pag-aadalan.
Sa presente, plano ni Napay na ipagpadagos an saiyang career sa electronics engineering.
Mensahe man niya sa mga mawot na magkua nin siring na programa na dae magsurender gurano man kadifisil ini, “one step at a time” asin kun pig-iisip man na dae kaya o gari ipighiling na dakula an pangiturugan an makukua man suboot ini nin padiit-diit.
