Kaibanan an British tech tycoon na si Mike Lynch sa anom na mga indibidwal na nawawara makalihis na lumubog an luxury yacht sa kadagatan sa Sicily.
An nasabing yate an may labang 56 meters asin may lunad na 22 katawo, kaibanan na an sampulong crew asin 12 pasahero na kumpwesto nin mga British, American asin Canadian nationals.
Naisalbar kan emergency services an 15 katawo.
Nakasalbar man an agom kan 59-anyos na negosyante na si Angela Bacares.
Nagluwas sa inisyal na imbestigasyon na tinamaan nin waterspout na kapareho nin ipo-ipo an nasabing yate kaya ini luminubog.
