Kinumpirmar ni Vice President Sara Duterte na ipigdesignar kan saiyang ama na si dating Presidente Rodrigo Duterte an sarong British lawyer bilang lead counsel sa kasi kaini sa International Criminal Court sa The Hague, Netherlands.
Nabisto an nasabing abogado na si Nicholas Kaufman na saro sa roster of counsel sa International Criminal Court.
Segun sa bise presidente na nakaolay na ninda an abogado kan Sabado asin nakatalaan na mag-olay nin personal kaibanan an British lawyer sa oras na umabot na ini sa Netherlands.
Marurumduman na naghampang sa enot na bes an dating presidente sa international tribunal sa paagi kan sarong video link.
Nahahampang si Duterte sa kasong crimes against humanity sa panahon kan war on drugs durante kan termino kaini na miyembro pa an Pilipinas kan ICC.
Ipigtalaan man an masunod na pagdangog kontra ki dating Presidente Duterte sa Setyembre 23 sa presenteng taon.
