LEGAZPI CITY-Nagdeklarar na an Canadian officials nin state of emergency kan Sabado makalihis an marikas na paglakop kan wildfire sa magdamlag.
Naebakwar na man an labi sa 20,000 na mga residentes sa western province kan British Columbia.
Nagpalala pa digdi an makukusog an paros kun kaya mas dakula an kasulo, asin naabot na an Summerland area kun sain apektado an mga komunidad na nakapalibot sa mga valley.
Segun kay British Columbia Premier David Eby, na kadakol an nawaran nin harong asin ari-arian asin igwang mga na-trap huli sa mas marikas na pagbago kan direksyon kan wildfire.
Huli digdi, idineklarar na ni Emergency Management and Climate Readiness Kelly Greene kan nasabing probinsya an state of emergency.
Sinabi kan federal government na nakahanda sinda sa anumang asistensya asin suporta sa British Columbia government para sa anumang lakdang.
