LEGAZPI CITY- Nagpatanid ngonian an Philippine Drug Enforcement Agency (PDEA) Bicol sa mga opisyal kan barangay na padagos na pigpo-protehiran an mga drug personalities.
Sa ekslusibong intrevista kan Bombo Radyo Legazpi ki PDEA Bicol Dir. Christian Frivaldo, kasabay sa mga iimbestigaran kan ahensya an mga nasabing opisyal mientras na ley na suboot an nakatalaan na maglamag sa mga ini.
Pagduduon pa ni Frivaldo na en kaso maprobaran na nakakomiter nin pagbayolar an opisyal, posible pa ining mahale sa posisyon o kaya an nunca nang makabalik sa pagkapot nin pwesto sa gobierno susog sa magigin rekomendasyon kan PDEA sa Department of Interior and Local Government (DILG).
Bako man suboot lusot sa paninimbagan sa ley an iba pang opisyal na dae nagsusunod sa rules kan kampanya kontra sa iligal na droga kun kaya an mga ini suboot an magigin sunod na target kan ahensya.
Mientras tanto, bwineltadahan man kaini an mga local chief excutives sa isyu kan mga drug personalities na liwat na nagsibalik sa iligal na aktibidad dawa pa enot nang nagsurendir kun saen segun ki Frivaldo na pakusugon an livelihood program tangarig na dae na ma-engganyar an mga ini sa pagbalik sa transaksyon kan illegal drugs.
