LEGAZPI CITY-Madistribwir an konseho kan Brgy. Lapu-Lapu, Legazpi City nin Noche Buena Packages para sa 600 pamilya gikan sa ₱300,000 calamity funds kan barangay.
Segun kay Punong Barangay Honorable Karren Canon-Valdez, sa intrevista kan Bombo Radyo Legazpi, na afuera sa saindang manlain-lain na aktibidad, madistribwir sinda nin relief goods na kompwesto nin 5k-worth of rice, mga delata, kape asin biscuits na gikan sa saindang calamity funds.
Magkokondusir man sinda nin manlain-lain na aktibidad para sa kapaskuhan kun sain enot na digdi an sarong party para sa mga jovenes asin senior citizen’s party ngani magtaong kaogmahan sa mga seniors.
Sa maabot na Disyembre 23, magkakaiwa man sinda nin Christmas party para sa haros gabos na represenates kan kada pamilya an makaintra sa Christmas raffle.
Paglinaw man kan opisyal na separado an saindang ibabarewas na pamasko para sa mga residente asin gikan ini sa saindang barangay funds.
Obheto man kan aktibidad an makapanao nin kadikit na salu-salo sa kapaskuhan.
Nagpapasalamat man an opisyal sa gabos na suporta asin tabang sa aktibidad kan barangay para sa ikakarahay kan mga residentes.
