LEGAZPI CITY — Inarestar kan mga operatiba an sarong barangay kapitan sa Brgy. San Roque, Pandan, Catanduanes.
Dakop si Punong Barangay Oriel Candelaria makalihis na arestaron kan pinagsarong puersa kan Panda Municipal Police Station, Regional Intelligence Division, Provincial Intelligence Branch Catanduanes asin 1st Catanduanes Provincial Mobile Force Company.
Narekober man sa barangay official an tulong yunit kan caliber 45 pistol, anom na magazine asin 39 bala.
Nahahampang man ini sa pagbayolar sa Acta Republika Numerado 10591 o Comprehensive Law on Firearms and Ammunition.
Mientras tanto, ipinagirumdom kan kapulisan na nagtetenir an Election Gun Ban hasta sa Hunyo 12 na sakop kan election period.
