LEGAZPI CITY-Magkakaigwa nin mahigot na restriksyon asin seguridad Baranggay Pawa sa Tabaco City makalihis an krimen kung sain biktima an sarong 18-anyos na daraga na nakuang nakalubong sa lugar.
Segun kay Chief Tanod Juliate Locsin kan Barangay Pawa Tabaco City, sa intrevista kan Bombo Radyo Legazpi, hunyo 21 kan magreport sa naunambitang baranggay an mga magurang kan nawawarang daraga alagad tulos man nindang inireport sa polisya kung sain piganunsyong nawawara ini makalihis na magiba sa saiyang ilusyon.
An suspek asin bitima, nagpaaram suboot na maduman sa tiyoon kan lalaki alagad digdi na nangyari an nasabing insidente.
Nakuwa an labi kan biktima sa mismong lugar, liwat residente ini kan Baranggay Santo Cristo Tabaco City.
Nagsabi man an opisyal na dadagdagan ninda an seguridad nin huli sa nangyaring krimen sa saindang lugar.
Nagpagirumdom man an opisyal mapadapit sa pagigin ligtas kan mga kajovenesan alagad mag ingat ngani maibitaran an mga siring kaini na insidente.
