LEGAZPI CITY-Nagpapasalamat an Baranggay Council kan Buang sa ciudad nin Tabaco sa Local Government Unit (LGU) huli sa itinaong transport vehicle na dakula an tabang sa mga namamanwaan, orog na sa panahon nin kalamidad asin emerhensya.
Segun kay Kapitan Euseco Laurico kan Baranggay Buang Tabaco City, sa intrevista kan Bombo Radyo legazpi, dakulang tabang ini sa baranggay huli sa nagpaorolayan ini sa inisyatiba kan lokal na gobierno asin pighihingoa ini na dakol dapat an matawanan.
Dugang pa ni Laurico, madali an pagresponde sa mga emerhensiya enkasong magputok an Bulkang Mayon.
Sinabi man kan opisyal na naghahanap sinda kaito nin pig-rentahan na mga lunandan ngani makapag-rescue nin mga tawo.
Ini an enot na pagkakataon na nagkaigwa nin L3 na transport na behikulo an nasambitang baranggay na kayang makalunad nin 18 katawo.
Magkakaigwa man suboot nin pagorolay mapadapit sa paggamit kan nasambitang behikulo siring kan mga limitasyon asin regulasyon sa paggamit kaini.
Sa presente, dakol suboot an natawanan nin mga transport vehicle sa nasambitang lugar.
