LEGAZPI CITY—Padagos an preparasyon Barangay Bonot, Legazpi City katakod kan pag-obserbar kan Undas 2025.
Segun ki Barangay Bonot, Legazpi City Kapitan Reynaldo Bendicio, sa intrevista kan Bombo Radyo Legazpi, saindang itatalaga an mga barangay tanod kaiba an barangay health workers sa pagmantenir kan seguridad asin kaligtasan kan mga mabisita sa Legazpi Catholic Cemetery.
Sa presente dakol nang persona suboot an naglilinig sa mga puntod kan saindang mga padangat sa buhay.
Pigtawan-duon man kan opisyal na bawal an magdara nin deadly weapons asin mga arak sa sementeryo nganing maibitaran an ano man na dae piglalaomang insidente sa pag-obserbar kan Undas sa nasabing sementeryo.
