LEGAZPI CITY- Pusog an pagtubod ni Kapitan Diego Obido kan Brgy. Bagong Abre sa ciudad kan Legazpi na dagos-dagos na an pagbabago kan saiyang mga constituentes na naimbwelto sa iligal na droga.
Sa intrevista kan Bombo Radyo sa nasambit na kapitan, napag-araman na 27ng drug personalities an nagsurendir na gikan sa barangay na ngonian an nasa irarom na kan saindang mahigot na monitoring.
Sampulo pa sa mga ini an dae pa napa-process for assessment kan doktor kun kaya dae pa suboot sinda makakadeklara na klarado na an barangay sa presensya kan illegal drugs.
Dugang pa kan kapitan na 85% porsyento na an nagbabagong-buhay mientras na pigtutukan man an barangay anti-drug abuse council (BADAC).
Importanteng abiso kaini sa paglikay, iyo an pagtataong tamang giya sa aki tangarig na dae maglaog sa iligalidad.
