Ipighayag ni Finance Sec. Frederick Go ang Business Process Outsourcing (BPO), semiconductor asin electronics manufacturing, asin renewable energy bilang mga sektor na marikas na nag-uuswag asin makapagtatao nin mas dakol na trabaho sa mga Pilipino.
Segun ki Go na padagos na naghehewas an BPO industry sa nacion, na ngunyan an nakasentro na man sa artificial intelligence, data analytics, asin IT-enabled services.
Sinabi man ni Go an nagdadakulang semiconductor asin electronics sector. Kasabay kaini an renewable energy projects sa nacion, kabale an wind, solar, asin geothermal energy.
Nganing mamanitinir ang job creation, ipigbubusol kan gobierno an mga reporma siring kan CREATE MORE Act asin Public-Private Partnership Code, na nagtatao nin long-term incentives asin nagpapakusog kan investor confidence. Dugang pa ni Go, dakula man an puhunan kan gobierno sa education asin skills training nganing masierto na preparado an mga Pilipino sa pangangaipuhan kan mga bagong industriya.
Susog sa datos kan Philippine Statistics Authority (PSA), nagbaba sa 66 milyon ang numero kan unemployed Filipinos kan Pebrero 2026 hale sa 2.96 milyon kan Enero. Alagad mas halangkaw man liwat ini kumpara sa 1.94 milyon kan Pebrero 2025, huli mas dakol na tawo an naghahanap nin trabaho kaysa sa aktwal na natatanggap kan labor market.
