Kinakaipuhan ni Boston Celtics star Jaylen Brown na sumairarom sa pirang test nganing maaraman kun kaipuhan niyang operahan an saiyang right knee huli sa partially torn right meniscus.
Sa ibong kan pigmamateng injury, nagkawat pa liwat siya sa huring parte kan regular season asin enterong post season, kun saen nagrehistro siya nin average na 22.1 points asin 7.1 rebounds kada kawat.
Poon kan nakaaging Marso, nakaresibi siya nin mga pain injection asin dae nakakawat sa last 3 games kan Celtics sa regular season, alagad nagkawat man siya sa gabos na playoff games.
An nasabing report an naglakop pirang aldaw makalihis sumairarom sa operasyon sa Achilles tendon an kapwa niyang Celtics star na si Jayson Tatum, mantang si Kristaps Porzingis an nagkawat man maski may pigmamate.
