Pinangaranan an Bombo Radyo Philippines bilang “Most Reliable AM Station” kan Trinity University of Asia sa ika-10 na Platinum Stallion National Media Awards 2025.
An honra, na minidbid sa paagi nin sarong komprehensibong survey na imbwelto an manlaen-laen na komunidad kan unibersidad, nagpapahiling kan commitment kan network na maghatod nin mapagkakatiwalaang impormasyon asin public service sa mga Pilipino saen man sa kinaban.
An Platinum Stallion National Media Awards sarong prestihiyosong aktibidad na nagbibisto sa manlaen-laen na sektor nin media, kabali an telebisyon, radyo, pelikula, digital, asin iba pa.
An Trinity University of Asia (TUA) sarong pribado, Kristiyanong unibersidad sa Quezon City.
Itinatag ini kan 1963, asin dating midbid bilang Trinity College of Quezon City asin nagin sarong reputadong institusyon na midbid sa kahusayan sa health sciences, business, communication, information technology asin social sciences.
Afuera digdi, an Bombo Radyo Philippines padagos na pigmidbid kan national research organizations bilang nangengenot asin pinakapinagtitiwalaan na radio network sa nasyon.
Susog sa Philippine Information Agency (PIA) National Survey on Media and Information, an Bombo Radyo Philippines an napili bilang Most Trusted News and Information Source sa Radio Category.
Mantang, nabuyagyag sa OCTA Research 2024 Fourth Quarter TUGON NG MASA SURVEY na an Bombo Radyo iyo an nangengenot na istasyon nin radyo na ginagamit bilang pinagkukuanan nin bareta asin impormasyon sa mga Filipino adults.
Dugang digdi na an Pahayag Survey Series of Publicus Asia, Inc. padagos na pigmidbid an Bombo Radyo bilang Most Trusted Radio Network in the Radio Category.
