LEGAZPI CITY-Natawanan sa giraray nin honra an Bombo Radyo Philippines sa paagi kan 3 major awards sa 47th Catholic Mass Media Awards (CMMA).
Nakuwa kan bilog na stasyon an Best News Program, Best Business News, asin Best Entertainment Program, kaiba na an iba pang special citations.
Naresibe kan Bombo Radyo Philippines an para sa Bombo Lifestyle an Best Public Service Program asin Best Counseling Program na man para sa Istoryang Pasada: Takbo of Star FM Manila.
An ika-47 Catholic Mass Media Awards ngonian na taon an nagin makabuluhan para sa Bombo Radyo Philippines huli sa kwalipikado ini sa gabos na siyam na kategorya kan radyo, na nagpapatotoo sa makusog na presensya kan network sa lado kan pagbabareta, public affairs, asin sa entertainment programming.
An mga minasunod na station an kairiba man sa finalist:
-Best Drama Program an (Bombo Radyo Cauayan) para sa Sarming Ti Biag (Mirror of Life)
-Best News Program an (Bombo Radyo Cebu) Bombo News and Views Morning Edition
-Best News Feature an (Bombo Radyo Dagupan) Bombohanay sa Udto, an It’s All for You in the Morning kan (Star FM Dagupan) asin an (Bombo Radyo Iloilo) para sa Good Morning Philippines
-Best Entertainment Program an (Star FM Bacolod) para sa It’s All for You in the Morning
-Best News Commentary Program an (Bombo Radyo Cebu) para sa Bombohanay sa Udto
-Best Educational Program an (Bombo Radyo Philippines) para sa Bombo Special Report asin an (Bombo Radyo Cauayan) para sa The Seven Last Words
An mga honrang ini kan Bombo Radyo Philippines an para sa gabos na tagapagdangog asin naagaantabay sa bilog na nacion sa padagos na suporta asin pagtubod na nagtataong inspirasyon sa 32 na fully digitalized stations ngani makapaghatod nin bareta, serbisyo publiko, asin makabuluhang programa para sa mga komunidad.
Basta Radyo, BOMBO! Star FM — It’s All for You!
