Ipigselebrar kan Bombo Radyo Philippines an anom na dekada nin media excellence sa paagi kan Top Level Management Conference puon ngunyan na Enero 5 hanggang 11, 2026, na may temang “Bombo Radyo Philippines: Celebrating 60 Years of Media Excellence.”
Pinangengenotan ninda Chairman Dr. Rogelio M. Florete asin Chief Executive Officer Margaret Ruth C. Florete ang aktibidad, kun sain maatendir sa kumperensiya ang mga station managers asin senior officers hale sa 25 key areas kan Bombo Radyo Philippines network sa Iloilo City.
An sarong semanang pagtitipon an nakasentro sa strategic planning asin direction-setting bilang paghahanda kan network sa mga masunod pang taon.
Didiskotiron digdi an mga orolay nin inobasyon, pampublikong serbisyo, asin padagos na promesa sa kredible, responsable, asin public service-oriented broadcasting.
Bilang parte kan ika-60 anibersaryo, tampok kan Bombo Radyo Philippines ang halabang listahan kan mga prestihiyosong parangal sa larangan kan news reporting, public affairs programming, asin public service broadcasting.
Kabale digdi an Bombo Network News, na back-to-back winner kan Catholic Mass Media Awards (CMMA) bilang Best News Program para sa 2024 asin 2025, asin an Star FM, na binisto bilang Best Entertainment Program sa laog kan tolong sunod na taon (2023–2025).
Mantang an Bombo Radyo Iloilo, flagship station kan network, an binisto bilang Best AM Station (Provincial) asin Best News Program (Provincial) sa 28th Golden Dove Awards (2025) kan Kapisanan ng mga Brodkaster sa Pilipinas (KBP).
Higit pa sa mga parangal, pinagtibay kan mga independent survey an kredibilidad asin tiwala kan publiko sa Bombo Radyo.
Nagluwas ini bilang Most Trusted News and Information Source sa Radio category sa National Survey on Media and Information Literacy kan Philippine Information Agency (Nobyembre 2024).
Binisto man kan OCTA Research (Disyembre 2024) bilang nangengenot na radio source kan bareta asin impormasyon sa mga Pilipinong adulto, asin padagps na nangengenot sa quarterly Pahayag Survey kan Publicus Asia, Inc. sa kategoryang Most Trusted Media Outlets in the Radio.
An gabos na pagbistong ini an patunay kan dedikasyon kan Bombo Radyo Philippines sa pagmamantinir nin pinakahalangkaw na pamantayan kan broadcast journalism.
Pinagtitibay man kan kumperensiya ang pamana kan Bombo Radyo bilang nangengenot na radio network sa bansa, na may 32 ganap na digitalized AM asin FM stations sa bilog na Pilipinas, asin nagsisirbing taos-pusong pasasalamat sa publiko.
Huli saindo, an Bombo Radyo an padagos na ipigtataguyod an kahusayan sa pamamahayag asin paghatod nin bareta asin public service na dae matutumbasang pagganap.
Basta Radyo, BOMBO!
