LEGAZPI CITY – Pigduon kan sarong board member sa syudad kan Legazpi an importansya kan kan pagkakaigwa nin mga earthquake drill bilang preparasyon sa nasambitan na kalamidad.
Segun sa awtor kan sarong resolusyon dapit sa pagkokundusir kan nasambitan na drill na si JP Lee, bilang chairman kan crisis and emergency council kan Sanggunian, saindang prayoridad an proteksyon kan lambang indibidwal kontra sa anuman na kalamidad na maabot sa probisnya.
Dugang pa ni Lee na warang nakaka aram sa kun nuarin maabot an linog maski pa an mga eksperto kaya dakulang katabangan an pagkakaigwa nin preparasyon ngani na maaraman kan mga residentes an saindang gigibuhon.
Pigduon man kan opisyal an importansya kan pagigin salbado kan gabos na mga imprastraktura kan gobyerno ngani na magkaigwa nin lugar na madudumanan an mga namamanwa enkaso man na magkaigwa nin dae piglalaoman na insidente.
