LEGAZPI CITY- Pinangenotan kan Albay Police Provincial Office an pagkokundusir nin blood letting activity kasabay kan National Women’s Month.
Nagkapirang mga pribadong indibidwal asin grupo man an nakisumaro sa aktibidad.
Segun ki Geronimo Embudo, Founder/Director kan AGWI Guardian Ligao City Chapter sa intrevista kan Bombo Radyo Legazpi na maugma an saindang grupo na magin parte kan nasabing aktibidad.
Paliwanag kaini na dakulang orgulyo para sainda na makatabang sa kapwa urog na sa pagdugtong nin buhay kan ibang tawo.
Napag-araman na personal pa ining nakipag koordinar sa Albay Police Provincial Office ngani na maihanda an saindang mga miyembro sa boluntad na pagdodonar nin dugo.
Dugang pa ni Embudo na yaon sinda pirmi ngani na magsuporta sa iba pang mga programa kan kapulisan.
