Binawasan na ni Davao City 1st District Representative Paolo Duterte an mga nacion na saiyang bibisitahon.
Segun ki Executive Director Jose Marmoi Salonga kan Office of the Secretary General kan House of Representatives na nagin duwa na sana ini gikan sa dating 16.
Sa ginibong pagbabago an solamenteng mga nacion na Netherlands asin Australia an saiyang bibisitahon.
Dugang pa kaini na saindang naresibe an enot na request kan lehislador maging ang revised request kun sain ini an ma-overlap na sa session days.
Liwat na mabalik kaya an sessions kan mga lehislador sa Enero 26, 2026.
An enot man na request an may petsang Disyembre 1, 2025 na naghahagad nin approval puon Disyembre 15, 2025 sagkod Pebrero 20, 2026 na nagsasakop nin 17 nacion.
Huli digdi nagsurat sinda ki Duterte na magsumiter nin dugang na detalye asin baguhon an saiyang isinumiter.
Sa isinumiteng revised travel request gikan sa the Netherlands asin Australia na may petsang Enero 3 sagkod Enero 30 asin ibinugtak na rason na bibisitahon an ama na si dating Presidente Rodrigo Duterte mantang bibisitahon an aki na nag-aadal sa Australia.
Nakasaad man sa request na ang mga gastos an manggagaling mismo sa sadiring bulsa ni Duterte.
Sa ngunyan presenteng ini-evaluate ini kan House of Representatives bilang administrative procedures asin House rules.
