Balik na sa normal ngunyan na aldaw an biyahe kan Parañaque Integrated Terminal Exchange pasiring sa Bicol Region, Visayas asin Mindanao.
Segun ki PITX corporate communications officer Kolyn Calbasa na natawan na sinda nin go-signal kan Department of Transportation ngani na ipagpadagos an mga biyahe.
Pinayuhan man kaini an mga pasahero na makipag koordinar sa mga bus companies kun dagos na an biyahe.
Napag-araman kaya na naghigot an nasabing opisina kontra sa mga colorum.
Katunayan, kan nakalihis na mga aldaw igwang nagkapirang mga colorum bus an naarestar sa luwas kan PITX.
